Met misdaadsyfers wat steeds toeneem en talle gemeenskappe raak, is dit belangriker as ooit om voorbereid te wees op onvoorsiene, maar lewensgevaarlike situasies soos gewapende rooftogte. By ProVérte is jou veiligheid ons prioriteit. Om te weet hoe om reg op te tree kan lewens red. Onthou die volgende:
- Bly gehoorsaam:
Moenie teëstribbel nie. Volg instruksies stiptelik. Jou lewe, en dié van ander, hang daarvan af. - Bly kalm:
Haal diep en stadig asem om jou hartklop te beheer en kalm te bly. Praat rustig en vermy skielike bewegings. Sê altyd vooraf wat jy gaan doen, byvoorbeeld: “Ek haal nou my sleutels uit.” - Vermy uitlokking:
Moenie ’n alarm sigbaar aktiveer nie. Vermy direkte oogkontak, en moenie jou selfoon gebruik nie. Paniek kan die situasie laat ontspoor. - Laat hulle toe om weg te kom:
Moenie hul pad blokkeer of hulle probeer keer nie. ’n Vasgekeerde rower is gevaarlik. Wag totdat hulle weg is voordat jy hulp ontbied. - Let diskreet op:
Merk belangrike besonderhede sonder om dit duidelik te maak:
• Fokus op een persoon: lengte, lyfvorm, klere of unieke kenmerke soos littekens of tatoeëermerke
• Let op na name, taalgebruik of aksente
• Let op die voertuig: maak, model, kleur, registrasienommer of sigbare skade
Jou veiligheid is altyd belangriker as enigiets anders. Hoewel inligting waardevol vir ondersoeke is, moet jy nooit jou eie veiligheid in gevaar stel om dit in te win nie.
By ProVérte is ons toegewyd aan jou en jou veiligheid. Hersien jou polis vandag om seker te maak jy is ten volle beskerm.
Bly waaksaam.